【3人行】麥秋成自導自演擺緋聞上台 與蔣家旻羅天宇發展三角戀
羅天宇蔣嘉旻麥秋成
蔣家旻先後和羅天宇、麥秋成傳過緋聞,早前3人在麥秋成自資、自導、自演的微電影《戀戀季節》中合作,發展三角戀。微電影安排在白色情人節首播,今日3人在觀塘宣傳,蔣家旻獲兩男又孭又抱,非常甜蜜。
活動上,3人分享到日本鳥取縣拍攝微電影狀況,羅天宇表示最後一日因要趕返香港工作,故花了10萬日元坐的士趕搭JR,價錢足以買到3張機票。蔣家旻則謂拍攝一場和麥秋成的戲份時,自我要求飲酒入戲,被取笑酒後出事,她說:「冇呀,飲完酒會瞓覺。」麥秋成則說:「我就出事,腰骨痛。」
電影中,麥秋成為展現浪漫一面,要在雪地孭起蔣家旻,今日他再孭起女方時覺得較輕鬆,蔣家旻解釋:「因為當時着嘅外套好重,嗰邊又凍,食多咗嘢。」戲中有段三角戀,最終蔣家旻選擇羅天宇,但現實中蔣家旻說:「兩個都唔揀,同天宇多年前傳過緋聞,佢哋兩個各有各好,所以兩個都唔揀,我心目中嘅人選係要集合佢兩個人優點。」而蔣家旻更大讚兩位緋聞男友體貼:「麥秋成細心,cool cool哋,外冷內熱。羅天宇就過份溫柔,慢吞吞,希望第日我嘅真命天子唔係咁。」
麥秋成今次自資自導自演花了6位數字,他笑稱日日篤手指,加上羅天宇坐了10萬日元的士,令整個計畫超支:「對匯率冇概念,最緊要有效果,希望做好功課,第日多啲人搵我拍嘢。」3人慶幸一月出發到鳥取縣,肺炎疫情未大爆發,拍攝順利,麥秋成說:「坐飛機時仲擘大個口瞓覺,諗返都危險,去到當時仲見到好多口罩,早知都掃貨唔使而家撲得咁辛苦。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
麥秋成(右)自資拍微電影,與蔣家旻(中)及羅天宇發展三角戀。
蔣家旻雖然大讚麥秋成及羅天宇,但她卻表示要拍拖的話,兩個也不會揀。