香港人真係好鍾意返工，尤其是你打《蘋果》工。

多年前，返公司必經之路環保大道發生車禍，倒翻多枚工業用大型氧氣樽致交通全癱，同事E是趕在車禍前順利回到公司的唯一美術同事，但她接下來六小時，一個人就要獨自應付六至八版娛樂版，當E一見鄰座同事回來便喜極而泣，大嗌：「我終於可以食飯啦！」

多年後，同事K休日帶同老婆及一對孖女去迪士尼樂園遊玩，不識相的主管因工作繁多致電K，希望他取消假期返工幫忙，K二話不說即提早結束行程，從東涌趕回將軍澳堆填區。翌日見報頭版為〈8.18 8.31和平遊行 五子判監8至18月〉的報道。有人為真理而喪失自由，有人為工作犧牲享受天倫。

如今，《蘋果》或面臨停運，美術部同事真想大喊一聲，「我哋真係好L鍾意打《蘋果》工！」

《蘋果》美術部