當年今日
關於我們

【師兄你點睇】兩賽駒冇咗莫雷拉 我照捧可也!(賴維銘)

蘋果日報 2019/11/27 06:00

莫雷拉賴維銘祥光普照高耀智星師兄你點睇

賴:前騎師賴維銘
記:記者吳文輝
記: 莫雷拉停賽完畢,輪到潘頓停賽,加上利敬國、田泰安亦停賽缺陣,今晚(27日)谷戰騎師陣容上好似有點缺失。
賴:其實咁樣正好畀機會其他騎師爭取成績,好似史卓豐全晚有八匹座騎。
當中,最尾第九場三班1200米苗廐「高耀智星」今季一直由莫雷拉騎開,而且表現好好,苗禮德用人有自己盤算,今次莫雷拉騎得卻仍配史卓豐,不知是否想益世姪豐豐。
以馬論馬,「高耀智星」今季兩戰一冠一亞成績相當唔錯,前仗鬥贏「超能量」莫雷拉應記首功。
到上場初戰三班,沿途快跟貼外欄的「亮先生」,以快時間貫注到尾屈居第二,雖敗猶榮。
其實星期日(12月1日)有三班直路賽編排,苗廐無馬報名而決心讓「高耀智星」轉戰快活谷,相信有一定把握。
跑完上場再試閘走勢出色,大勇大熟,今場算係一組較弱三班1200米,睇吓史卓豐能否做齣好戲。
記:第三場五班1800米「祥光普照」上場莫雷拉騎(結果跑第四),行到閘前要叫獸醫嚟睇,原因係馬頭郁得太勁,究竟點解會有呢個情況?
賴:馬匹行去閘前頭部擺動,好多時都只係本身唔規矩,無大相干,不過如果郁得太犀利,有機會係配件綁得太緊,馬匹唔舒服自然頭擰擰啦!
我唔肯定上場「祥光普照」的小動作有否影響演出,不過此駒於低班中長途實力唔錯,上仗亦締出全組最快末段時間。
今次用蘇狄雄,他曾經夥拍此駒三度入Q,合作無問題,相信係今場機會分子。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
2019區選專頁
光復香港 11.24踢走共產黨
-----------------------------
【撐學生】
召集有心人 撐學生全年睇《蘋果》
立即按此