現年27歲嘅日本男星三浦春馬為下月開播朝日電視台新劇《成人高校》扮演處男主角，故事以一班30歲以上嘅處男、處女就讀一間「成人高校」，三浦春馬夥黑木美沙合作，而55歲男星高橋克實都喺劇中飾演老處男，屬校內學生之一，而龍星涼同松井愛莉就飾演老師。

仲記得三浦春馬初出道時在日劇《14歲的媽媽》中飾演15歲嘅父親，今次27歲扮處男，而女主角黑木美沙現實中亦為丈夫赤西仁先後誕下兩個細路，雖然毫無說服力，但就反而令觀眾帶來新鮮感，電視台已公開新劇首個宣傳廣告，三浦春馬同黑木美沙吹波波扮可愛。黑木美沙就話12年前拍電影曾經着過校服，不過拍攝劇集就係第一次。