第10屆AKB人氣總選昨日已在名古屋巨蛋舉行，今年賽事共有339位AKB家族成員參戰，結果由SKE48猛將松井珠理奈以超過19萬票榮封新一姐，同屬SKB48嘅須田亞香里則爆冷奪亞軍，險勝另一大熱嘅HKT48主將宮脇咲良。

總選過後，大會安排打入前16名嘅成員見傳媒及影大合照，不過宮脇咲良未見現身，繼而引起揣測，有報道指佢身體不適留在後台，而今日AKB方面就指宮脇情況尚未轉好，所以會缺席今日同於名古屋巨蛋嘅握手會。

26歲嘅須田亞香里，今年以154,011票首次打進三甲，今日即宣佈會在8月22日推出首本個人寫真集，早前佢已到古巴取景，拍攝入行以來最靚嘅一面。入行多年，須田亞香里囓樣貌一直被廣大網民狠批，而出版社今日就率先公開寫真集部份內頁，須田背部半裸晒白滑玉背，左手拎住個喱士bra，右手則遮住上圍，一於標榜美感望搣甩「豬扒」標籤。

精選娛聞，喺晒《娛果》
http://fb.com/appledailyent