當年今日
關於我們

【慈善高球賽】區瑞強林韋辰組隊 甄志強:我們經常一齊打波

蘋果日報 2019/04/04 14:25

蘋果日報慈善基金林韋辰甄志強與癌友同路區瑞強

甄志強、林韋辰、劉建基及區瑞強組隊,參加由蘋果日報慈善基金舉辦舉在清水灣俱樂部舉行的「與癌友同路」慈善高球賽,甄志強是香港藝人高爾夫協會會員,他說:「我們經常一齊打波,上個月我哋先去中山打球賽,大家玩得好開心。」
他目前主力做製作,問到會否考慮再做幕前,甄志強笑指自己做演員,遇過不少恩師,感謝他們教導製作方面的知識,未有答會否復出拍戲,甄志強農曆新年前與一間芭蕾舞學校合作,舉行慈善音樂劇《難兄難弟》,反應不俗。門票部份收益撥捐「香港健障護康會」,幫助香港弱勢社群,他說:「國內文化局局長落嚟睇呢套劇,好多家長同嘉賓都覺得好好睇,好希望我哋再做多一次,將於7月21號在屯門大會堂重演呢套劇,有160至200個小朋友演出,表演融入芭蕾舞、拉丁舞及爵士舞。」
他又指上次《難兄難弟》花了三個月時間去綵排,過程很辛苦,當時正是流感高峯期,300多間幼稚園停課,大家頗緊張努力做好防範措施,場內準備大量口罩及消毒藥水,每次綵排前要將整個場地消毒,他說:「何國材、黃樹棠同楊玉梅,佢哋都病晒,佢哋都係戴住口罩排練,仍然堅持落去,大家合作都好愉快,好開心個劇可以重演,班底大致上一樣,不過楊玉梅7月份接咗套戲,可能冇時間,搵咗個新人替代,曾經選過港姐,佢叫李美琪(牛雜妹),前幾日interview,原來佢學過唱歌同聲樂,做過舞台劇,個人好乖乖女,好nice,商量後決定讓佢演楊玉梅個角色,觀眾都有啲新鮮感,而同學仔都有跳一啲新舞步。」
-----------------------------
免費訂閱《蘋果動新聞》, 無懼霸權橫行!立即登記!
https://hk.adai.ly/bXz2v29BrV
-----------------------------
4月4日 10am-11pm 即玩《MINI GAME大挑戰》
隨時贏SuperPark門票2張
https://bit.ly/2WigzsG