胡鴻鈞、許廷鏗、譚嘉儀，張崇德與太太劉美娟，今日喺樂富出席活動。可憐嘅張崇德同譚嘉儀被司儀分別叫錯名做張崇基同錢嘉儀，張崇德大方笑謂話平時都慣唯有搞下氣氛。

許廷鏗之前喺社交網上載咗張相，俾網民笑佢發福似亞洲神童張如城，許廷鏗笑謂：「睇番都覺得點解咁似，唔併埋張相都唔覺咁似。其實相入面嘅我同以前唔係差好遠，張如城喺我心中好靚仔。」

許廷鏗話之前去旅行因為感冒瘦咗，問胡鴻鈞係咪有幫手照顧團友，佢話：「咁大個人識照顧自己，唔使我啦！」3月27日喺胡鴻鈞生日，許廷鏗話到時二人做直播找數，因二人之前旅行曾承諾做live，但因網絡不佳，未能成事。