當年今日
關於我們

中環在線:
許漢忠久休復出 不敢搶鏡 - 李華華

蘋果日報 2015/09/24 00:00

中環在線鄭家純新創建許漢忠

機管局前行政總裁(CEO)許漢忠久休復出,噚日第一次以鄭家純(純官)旗下新創建(659)副行政總裁嘅身份見傳媒。雖然佢做慣CEO,𠵱家做副手,頂頭仲有CEO曾蔭培,但係佢好識做,乜都交畀曾蔭培講,果然薑係越老越辣。
許漢忠18年前已經係港龍航空CEO,2007年過檔去機管局做CEO,舊年中離任,𠵱家去幫純官打工。話晒初嚟報到,噚日被問到公司發展,佢一律以「喺集團角度嚟講」做開頭,就連問佢喺新創建主要負責邊瓣,佢都交畀曾蔭培答咗先。
許漢忠話,呢份工同以往一樣咁忙,除咗要幫公司管理佢最在行嘅機場同埋物流業務,公司其他生意好似醫院、碼頭等,佢都要邊學邊做,不過,佢相信自己一定可以應付得到。