今日有航空公司的飛機機身印錯字，成為網上熱話，有朋友同筆者感慨，作為一間老字號英資公司，英文名出錯真係幾離譜。筆者早年經常搭呢間航空，見證住呢間曾經令香港人自豪嘅公司，由炒燶油後，已開始變質，前線人員質素多年保持水準，但公司制度以及資源卻不斷減少，令人唏噓。

航空公司嘅社交媒體以自嘲方式為公司醜事打圓場，「期間限定」效果令人喜出望外，幽默感，低層次為取笑他人，高層次才懂得自嘲。不過筆者朋友今日剛巧來電求救，表示昨晚搭同一間航空公司，由國家首都直飛香港，但等了兩小時亦未取得托運行李，幾經追問，航空公司才發現，行李被錯運至其他國家，客人等到凌晨兩時才能離開機場，結果要自費住一晚酒店，今日中午才回澳門。

客人查問得知，該航班有十數人的行李同樣錯運他國（周姓前主持，現為某網報G創辦人亦中招），雖然航空公司承諾免費將行李運到府上，但費時失事，朋友更笑言，搭高鐵可能冇咁麻煩。

筆者早年出差工幹，呢間航空是指定交通工具，服務不變，但資源卻不斷減少，一些小細節，小物品，Cut得就Cut，座位窄咗更加唔使多講。另一方面，長途機越多香港人，越令人感厭惡。強國人都是上落機時打尖，但港人搭機，諸多要求，12個鐘飛機，無時無刻都肚餓，每小時都要餵食，港女大媽經常在機艙散步，伸展筋骨，擾人清夢。近年轉搭北歐、中東三寶，座位舒適，乘客有禮，「因航」？唔再係首選了。在公司的友人透露，近年大地震，裁走一大班冗員，制度都開始要變，但畢業炒燶油代價昂貴，Cut走的Cost，將來不會輕易加回來。往往高質的「期間限定」航空，亦不復再。

斯郎
https://fb.com/oneroadonebelt/

全球樓行 Dream House零距離
https://hk.feature.appledaily.com/overseasproperty