英美娛樂圈去年爆發離婚潮，唔少結婚多年嘅明星夫婦亦突然宣佈分手，就如《妖夜尋狼》（Underworld）系列女主角英國女星姬蒂碧金素爾（KateBeckinsale）及英國索女歌手Cheryl。不過回復單身嘅兩女近日狀態大勇，趁情人節快到前，分別使出戰鬥格媾仔，引狂蜂浪蝶埋身！

情路坎坷嘅英國女歌手Cheryl，近日被指與第二任法國丈夫Jean-BernardFernandez-Versini秘密入稟法院申請離婚，據悉Cheryl唔可以忍受丈夫經常打爛醋埕，佢亦因此而變得消瘦，早前出席活動時更瘦到見骨。

Cheryl於過去周末遠赴巴巴多斯，出席GirlsAloud舊隊友KimberleyWalsh的婚禮。婚禮過後，Kimberley在當地舉辦船河派對，已增磅嘅Cheryl着咗一件魚網泳衣，令南半球露咗出來，性感程度爆燈。現年32歲嘅佢獲好多男士圍着氹氹轉，佢亦不時同唔同男士攬攬及調情說笑，幾乎搶咗新娘子Kimberley風頭。