去年聖誕假期前，雷諾代理秘密運嚟兩部全新Espace七人MPV，但一直卻未見代理有任何新動作；惟農曆年假期前，卻見部新版Espace於陳列室中展出，造型既突出又吸引，跟一眾日本製MPV確實截然兩樣，倒有自己嘅賣點。 據亞Mark打聽所知，火速抵港嘅新款Espace為數僅得兩部，同樣裝配上一台2.0公升Turbo偈（馬力165匹），雖然輸出跟普羅日本車款相若，但就勝在有Turbo輔助，低轉扭力表現出眾，好切合大型MPV需要，以及香港路面環境㗎！惟新車只有硬頂版，而定價為33萬4千5，無疑較日本車略貴，但車架安全結構予人十足信心，亦可會是新車賣點之一，但遲吓會否有新版及更高級型號抵港，亞Mark就唔敢講喇！有興趣嘅朋友，不妨到陳列室查詢吓噃！