當年今日
關於我們

  棠哥搞喊董太獲致謝 - 李八方

蘋果日報 2002/01/04 00:00


阿董上個月十三號嘅參選誓師大會搵咗八大將「站台」,競選辦原來十號先call陳智思請他幫手,至於棠哥鄭耀棠更遲至十二號下午先收到邀請電話。
不過有心唔怕遲,結果棠哥的演講詞最激,有好多人問他:「你搞喊董太咁好嘢!你到底搞喊過幾多個女人?」他開頭不明所以,回家看電視才知董太被佢感動到喊。
過咗兩日董太更寄咗一封信畀棠哥,話受棠哥的說話感染,想到阿董這幾年為人民服務的甜酸苦辣,就一時忍不住……其實女人的眼淚是最有力的武器,董太多謝棠哥畀個喊位,讓她使出這武器就真。
棠哥又再次為阿董喊冤,話唔好將所有衰嘢都賴晒阿董,八萬五是肥彭搞出來的,而棠哥從基層的角度,仍然支持八萬五政策。
八方就話支唔支持政策是一回事,政策可唔可以失驚無神「不存在」又是另一回事,而且所有衰嘢都唔關阿董事,到底乜嘢至關佢事?做人唔可以冇承擔啫,係咪咁講!
﹙圖﹚在挺董大會上,董太被棠哥的講話感動流淚。


E-mail:[email protected]