由荷李活影星「The Rock」狄維莊遜（Dwayne Johnson）夥拍奇雲哈特（Kevin Hart）及積比力克（Jack Black）嘅新片《逃出魔幻紀：叢林挑機》（Jumanji: Welcome to the Jungle）已在香港上映，狄維莊遜目前於當地都瞓身宣傳。

最近狄維莊遜偕奇雲哈特獲邀擔任節目《The Ellen Show》嘉賓，佢被問及有意參選總統之傳言時，狄維莊遜直認不諱，表示正在認真考慮。日前，狄維莊遜再次對全美發出聲明，表示最快會在2024年參加總統大選，因為佢知道從政同演戲唔可以同時兼顧，所以佢預計呢個計畫要在6年後，佢更表示自己嘅政治理念係：「服務市民，為他們建構一個更好的環境」，廣大網民對其言論都議論紛紛，當然亦有不少支持者留言力撐。

狄維莊遜同奇雲哈特曾合過《肌智同學會》，一個sell肌肉、一個食腦，今次兩個再合作繼續搞笑兼擦出火花，更於《The Ellen Show》公開二人少年時代嘅照片，狄維莊遜當年16歲已發育得非常健全。

更多娛聞，喺晒《娛果》
http://fb.com/appledailyent