曾經何時，空姐出身嘅郭羨妮（Sonija），既係四料港姐冠軍，亦係華姐三料冠軍，風頭、獎項，比起師姐大美人李嘉欣，有過之而無不及。

原本前途一片光明，不過愛情至上嘅Sonija，先後經歷菠蘿包情人溫兆倫(新聞連結： http://bit.ly/2zxCvog )、殼王陳國強(新聞連結： http://bit.ly/2h2kbN1 )、人夫陶大宇(新聞連結： http://bit.ly/2lcdLzA )，「包養」、「第三者」等負面字眼，幾乎令郭羨妮Sonija賠上辛苦經營嘅幕前事業。

「重創」過後，6年前，Sonija選擇低調嫁大陸武指朱少杰，翌年生咗囡囡Kylie，雖然唔少人覺得同老公關係女尊男卑，更有指男方收入不穩又長居大陸，不過回歸平淡嘅Sonija就形容彼此關係彷似初戀感覺，更打算同老公追多個。

43歲嘅Sonija重新出發，雖然無綫暫未有招手邀請返娘家拍劇，不過佢近期就狂接港台劇集，近日佢就為港台拍攝新劇《獅子山下2017》，上周一(23日)晚上約10點，Sonija就現身中環元創方，同喺劇中飾演佢老公嘅曾航生有一場對手戲。

現場所見，雖然已有多時冇拍過劇，不過Sonija似乎好快就投入角色，無論蹺手談情同講對白嘅戲份，都幾乎係一take過，加上呢幾年唔使捱更抵夜，奔波勞碌，近睇Sonija，身形皮膚都keep到，狀態唔差，而當晚即使冇自己戲份，Sonija都留喺crew車上刨劇本，夠勤力，抵讚。

更多娛聞，喺晒《娛果》
http://fb.com/appledailyent