2011年因演出電影《失戀33天》走紅兩岸三地嘅白百何，繼去年4月被爆同大陸小鮮肉張愛朋喺泰國嬉水(新聞連結： https://bit.ly/2tzNA6M )，日前又俾大陸傳媒影到佢同另外一個小鮮肉去唱K，報道話唱完k都清晨5點，個小鮮肉同佢同車，一齊返咗白百何香閨。

去年白百何先俾人影到同大陸小鮮肉張愛朋喺泰國酒店嬉水，從照片同視頻睇，表現十足係熱戀中情侶，差啲都忘記咗佢係有夫之婦。自從爆出同小鮮肉張愛朋喺泰國嬉水後，有指白百何嘅形象大插水，廣告都損失唔少。其實白百何06年同歌星陳羽凡結婚，2年後生咗個仔元寶，今年元寶已經10歲，近年不時傳出佢哋離婚嘅消息傳聞，但佢哋一直死口不認，直至爆出同小鮮肉去泰國度假嘅出軌醜聞，佢哋兩公婆先發聲明話2015年已經離婚，不過啲網民就話唔信佢哋係一早已離婚。

到今日又爆多一單同另一小鮮肉唱K兼回香閨過夜報道，白百何嘅工作室今日都即刻喺微博撲火：「該男子是公司簽約藝人，此次屬於公司員工兩個月前一次聚會；2.當時當場明明有其他若干工作人員，但視頻及圖片卻蓄意截取兩人去惡意誤導大眾3.視頻中故意聲稱抵達白百何住處，實則只是司機依次送大家各自回家。我們尊重媒體工作者的工作，但媒體工作者受人尊重的前提是對公眾發出客觀真實負責任的報導，不該濫用平臺影響力和公信力，帶有惡意偏見和誤導，蓄意斷章取義製造噱頭，抹黑傷害個體。也提醒其他正在傳播、轉載相關內容的媒體、自媒體立即刪除有關內容，本工作室已委託律師依法取證，並保留追究相關侵權責任的權利！」

精選娛聞，喺晒《娛果》
http://fb.com/appledailyent