雖然Whatsapp多人用，但LINE勝在公仔夠晒可愛，一直是囡囡們最愛，在銅鑼灣希慎廣場的LINE FRIENDS專門店雖然已開了一段時間，但記者每次經過都見人氣不減，同公仔合照的人絡繹不絕。而原來近日LINE FRIENDS專門店已進軍九龍區，座落旺角朗豪坊，絕對是粉絲福音。新店以CHOCO作當家主角，除了店中央有大大隻3米高巨型MEGA CHOCO坐陣外，店的右方亦設有佈置成CHOCO自家化妝間的CHOCO HOUSE讓粉絲影相影到夠，可惜CHOCO HOUSE相對較狹窄，影靚相要考一點取景技術。

當然，除了各影相位外，各式各樣搶粉絲錢的精品同樣是主角，雖然店舖面積不算大，但精品種類相當多，當中最特別的當然要數6款只有朗豪坊新店才有得買的限定CHOCO公仔。公仔定價$620雖比普通公仔貴，但款款造型都相當有特色，而且衣服配件造工有心思，粉絲相信都幾難忍手。另外，在專門店以外，於4樓亦另設了LINE FRIENDS美食車，有多款可愛包裝食品選擇，聽聞印有能大大頭的朱古力爆谷相當好味，有機會要試試。

記者、攝影：韓繼聰