ViuTV 99台節目《P牌網購團》主持羅敏莊、盧頌之（DaDa）同張紋嘉等，今日邀請陳嘉容擔任嘉賓，為節目錄影 。今集節目眾人以300元於網上購買服裝造型大比拼。

陳嘉容表示，過往經常於網上購買服裝產品，但每次總是令佢失望：「通常size唔啱，質料差，呼籲大家網上購物要諗清楚，自己試過沉迷網上購物，一次購買超過5位數字，5箱好似洗衣機咁大嘅紙箱運嚟。」

DaDa表示生B後經常網上購物，師奶上身成為格價專員，DaDa話：「節目試過100蚊買一套婚紗，仲要係OK嘅。」羅敏莊則指，300元網上購置全身裝束並唔困難，佢話：「300蚊絶對有找，但唔夠高貴。」