噚晚東港城都有搞跨年倒數活動，當中請來何韻詩，阿詩雖然之前表明唔受訪，但台下其實佢都有企喺度等大家可以做訪問，不過商場公關就係咁拉阿詩走，唔知係咪怕佢被問到政治問題。

阿詩到場唱歌，到唱完走人，另一名嘉賓汪東城先到場，有傳佢因為發展緊內地市場，所以其經理人希望避開同積極參與社運嘅何韻詩碰頭，本報透過大東好友王友良聯絡佢，佢以wechat回覆：「這次來香港有兩個工作，其中一個是東港城的倒數活動，所以打從一開始已定了要做完第一個工作，然後在晚一點的時間才到東港城倒數！其他歌手的表演安排，我不太清楚，要問大會了！」東港城公關發言人接受電話訪問時就表示：「絕對唔關事，只係活動一定會有打頭陣同壓軸，所以先有咁嘅安排。」