【本報訊】大埔比華利山別墅雖然位置偏僻，但私隱度高，不少名人入住。藝人徐淑敏的丈夫兼《都市日報》老闆黃浩，便在這兒住了逾四年，兩年前更成為業主，以2,800萬元買入銀池道單號屋，再擲逾千萬元裝修，裝修約一年，今年1月才入伙。他向本報表示，覺得屋苑環境很舒適，像世外桃源，感覺不似香港。

兩年前買入　斥逾千萬裝修

黃浩指過去沒有留意屋苑樓價上落，因為自住沒理會升跌。他表示不明白屋苑為何多蝕讓，但指「我買嗰時算低，（業主）本來開價3,800萬」。他直言比華利山別墅抵住，恒地（012）去年賣出最後一間「皇宮屋」，黃浩也有出價洽購，「我72年出世，我還價7,200萬元，但投唔到」，洋房最終由另一買家以7,700萬元投得。
當初由九龍站搬入比華利山別墅，是其太太意見。他們在2011年12月搬入去，先租兩年，當時以6萬元租住面積2,429方呎洋房。而兩年前買入的大屋，「（建築面積）四千幾呎，有私家泳池，三層連埋天台」，這價錢香港其他地方很難找。他表示，單位前身亦是「清水房」，花了約1,200萬元裝修。「我鍾意食嘢，廚房用了較多錢，差不多二百萬，有鐵板燒，壽司櫃及5個魚缸，我養新鮮龍蝦及鮑魚用嚟鐵板橈，仲有7個煮食爐」。