據該報引述華電稱,今年莫講話利潤,能不虧損已經好唔錯,反映行業前景相當之灰,事實上電費又唔准加,煤價卻係咁升兼無貨,呢行隨時步煉油業後塵,發電越多蝕得越甘。華電集團被迫暫停發電,據稱原因是絕大部份煤炭要靠煤企提供,煤企唔夠貨都無辦法,因此電廠近期流行買煤礦。
以上消息,其中一樣令人奇怪之處,係貴州實際上乃煤礦豐富之地,恒鼎實業(1393)早前宣佈斥資3.55億元人民幣收購的3個煤礦,就全部位於貴州,如今連產煤豐富嘅貴州唔夠煤供應畀電廠,究竟係乜嘢原因?
據國內報章分析,煤供不應求已成未來趨勢,首先在高油價背景下,煤化工的發展前景巨大,對煤炭的消費需求將產生根本性的重大影響。其次,煤炭行業整合令大量小型煤礦關閉,中央原計劃3年內關閉煤礦11618座,但截至2007年11月底已經關閉了10412座礦井,連同非法煤礦,數目更不止於此。香港電費奇高,市民自然識得慳電,國內電費平,反而唔係好事,若內地電價長期被壓低,等於對電力股判死刑。