當年今日
關於我們

【韓劇.潮】少時徐玄拍劇 搞姊弟戀?

蘋果日報 2013/08/06 06:00

少時徐玄

韓國組合少女時代成員徐玄有望第一次正式拍劇呀!SBS電視台10月新劇《熱愛》最近同徐玄密斟,希望佢可以飾演劇中男主角嘅初戀對象。

雖然戲份得四集,但徐玄個角色幾搶吓,佢會演一個讀緊獸醫嘅女大學生,同對佢一見鍾情,但細過佢嘅男主角拍拖,後尾徐玄意外身亡,令呢段初戀留下遺憾。

事務所承認收到劇本,話徐玄都有興趣,但未落實拍唔拍。如果拍得成,今次會係徐玄正式首次拍劇,佢之前都係玩票性質客串,今次戲份重好多。至於男主角由邊個做,暫時未知。