當年今日

《蘋果》專訪 運動流汗變出尖面
裕美被疑整容「唔介意」

蘋果日報 2015/09/30 00:00


由pizza面驚變V煞面的27歲裕美,昨日到將軍澳《蘋果》現真身接受專訪,親解變面之謎,她說:「以前塊面真係好肥,一笑眼袋頂住隻眼變咗腰果咁,試過食去水丸只係減到少少又冇精神,𠵱家做運動成日流汗,面頸都冇晒水同脂肪,呢個係最關鍵,本身我塊面都係尖,其實我媽媽後生都係好尖,我係似佢後生。」
empty
昨日【V煞面】
裕美昨親解變面之謎,強調自己做運動瘦面,還操出馬甲線。攝影:周樂恒
empty
08年【Pizza面】
初出道數年的裕美是pizza面,跟現在完全判若兩人。資料圖片
empty
V煞裕美現體重為107磅,三圍是32、24、34。
曾患抑鬱症
現在的裕美不但面形變V,身形更由以前最肥120多磅及三圍33、26、37,兩個月激減到107磅,三圍變32、24、34更現馬甲線,問有否變到阿媽都唔認得個女?裕美笑說:「我阿媽梗係認得我,最有趣文滌(裕美入行首間公司經理人)平時幾年見一次,最近喺佢餐廳做訪問,佢行過見到我背影:『呢個邊個嚟?』由細睇到我大,佢都有一下:『你嚟㗎!』」
究竟裕美有否整容?她強調:「冇冇冇,真係冇,因為如果真係整,我好怕老咗之後要還債。睇番以前啲相,覺得最唔同係髮型,以前齊蔭顯得塊面圓,懷疑你嘅人就會懷疑你,冇乜需要介意。」
對於網友指她變面似林夏薇,裕美反對說:「其實話我似林夏薇係好少,試過有的士司機叔叔話我好似年輕版溫碧霞,最近又聽過話我似吳千語、范冰冰,似佢哋都好感恩,但我係裕美囉。」問如果將來真的整容,會否勇敢承認?她說:「一定唔會整。」
裕美坦言滿意現在的自己,她說:「最滿意心靈,做運動後人好開心正面,如果一個人唔開心,乜都屈住喺心,個樣會冇神采,我以前形象好開心,但內心唔開心,所以屈到有抑鬱症,但當我有信仰,又經歷咗好多嘢睇通咗,個人好開心好有自信,將開心散播畀人,成個人都唔同咗。」
採訪:余燕儀
empty
裕美強調自己面形似媽媽(圖),讚她年輕時比自己下巴更尖。
empty
裕美前年嫁給圈外男友林恩浩,做了人妻後靚過以前。資料圖片