當年今日
關於我們

【短片】食蟲救世界美國大熱蟲漢堡

蘋果日報 2013/12/13 06:00


我知道就連聯合國糧食及農業組織,都曾經建議以食用昆蟲來代替傳統糧食,因為昆蟲的繁殖力強,所以長久可以解決糧食問題。我亦都知道,昆蟲蛋白質豐富,食得多對身體好,夠晒營養。但我相信好多人都克服唔到心理因素去食蟲,但其實蟲蟲美食開始走進大家嘅生活呢!

根據日本網站カラパイア指出,紐約曼哈頓有一間墨西哥餐廳AntojeriaLaPopular推出蟲蟲漢堡包。漢堡包跟平常一樣,只不過中間塊肉就變成昆蟲,加上番茄、沙律醬等,越諗就越想嘔,但樂觀啲諗,其實兩者都係蛋白質,沒甚麼分別吧!據知呢種蟲蟲快餐都幾受紐約人歡迎,可能始終係外國人,接受能力係比較高。坦白講,我就接受唔到,唔知大家又能否接受到呢?

資料來源:カラパイア