日本歌姬中島美嘉早排揀正聖誕節當日註冊，下嫁有大猩猩之稱嘅排球選手清水邦廣。

佢昨晚就喺東京武道館舉行婚後首場演唱會，新婚老公都有捧場。新婚嘅中島high爆，同粉絲講依家好幸福，又大晒婚戒，叫粉絲：「睇下我隻戒指。」中島更加講咗兩次：「好彩唔使做賣剩蔗！」

但係賣剩蔗言論一出，佢立即惹嚟批評，有網民指摘現年31歲嘅中島，好似諷刺緊一啲31歲或以上仍未結得成婚嘅女性，仲有好多女網民留言：「唔好意思，我就係賣剩蔗」、「身為女性嘅我，亦覺得賣淨蔗呢句話有貶低女性之嫌」、「我知你想展示你有幾幸福，但係用錯詞囉」等等，似乎都認為中島用詞太過不當。