0依家乜嘢都講環保，食得入口、著得上身嘅，都要「環保」。

一向都鍾情Fashion嘅吳雨霏（Kary），今日就著住一件「再生衫」，即係循環再造嘅衫啦，現身中環出席第五屆「衣酷適再生時尚設計」比賽記者會，為支持環保比賽，Kary話會喺未來演唱會或唱片封套中，起用比賽得獎者設計嘅再生服飾。

其實Kary都覺得生產時裝都難免都會污染環境破壞地球，佢覺得要將一件舊衫再生係好難，所以大讚設計師嘅功力，佢話：「若果將來我有自己設計嘅品牌，我都會起用環保物料做衫，亦會拎同公司其他歌手嘅衫再造。」

至於平時會唔會用好多錢買衫？佢話自己服飾多數有贊助，所以唔使花費好多錢置裝，佢本身亦唔介意舊衫翻著，覺得咁係環保。