賭王四房孻仔何猷君之前已事先張揚,要捱眼瞓趕功課飛去西班牙,去搵佢個西甲華倫西亞班主千金女友KimmyLim,齊齊過二人第一個情人節。
猷君同Kimmy終於合體,仲齊齊去睇華倫西亞主場對愛斯賓奴,猷君就擺咗一張同Kimmy合照上ig,佢着住華倫西亞主場白色波衫撐場,不過平時佢哋黐頭芒,Kimmy個樣就唔係好笑得出,心情似麻麻。
原來Kimmy好緊張隊波贏唔贏到,最終隊波以2:1擊敗愛斯賓奴,佢喺ig擺咗張撻喺梳化相,笑言驚足96分鐘,更大讚球員踢得好、粉絲熱烈支持。猷君就賣口乖,指二人為球隊帶來幸運,場波仲係加利尼維利做教練以嚟贏到首場聯賽冠軍,仲留言笑女友,指佢全程唔係唔開心,好似處身地獄般緊張。