《魔戒》入面嘅哈比人獨立分拆電影《哈比人─荒谷魔龍》首映,「哈比人」呢個名詞已經進化成形容身形細細粒嘅人,咁啱糖妹出席首映,佢笑住話:「我同小儀都係哈比一族,其實可塑性都幾高,就算執錢都執得快啲,搭飛機又有好多人幫手搬行李。」咁都搵得到自己優點,果然矮仔係多計仔嘅。
糖妹下午又出席安全駕駛的活動,本身未有車牌嘅佢話有意考車牌,衰啲笑多你一次喇,夠唔夠腳長踩腳制油門架?
同場嘅馬浚偉剛成立工作室,又話明年會主力拍內地劇,問佢係咪打算簽陳法拉合作?佢話:「其實傾過一次,如果真係成事嘅話,會係下半年嘅事,我可能會做導演,梗係想我執導嘅第一次,搵到啲支持我嘅人合作。」