繼九龍塘又一城商場被指搶修後以白色鐵欄代替玻璃圍欄，令商場「downgrade及醜樣」，早前同樣曾在抗爭活動中受破壞的沙田新城巿廣場，最近亦在玻璃圍欄外加裝一層鐵欄，學生哥文仔認為是心虛的做法，嘲笑道：「好多餘無謂，其實冇乜需要set個欄喺度，感覺好似睇侏羅紀公園嘅時候，望住下面班速龍喺度跑咁。感覺唔似行商場，變咗好似行緊野生動物園咁。」

持續已逾半年的反送中抗爭運動，沙田新城巿廣場及九龍塘又一城商場先後在示威活動中遭人扑爆玻璃破壞，需要搶修。今日所見，新城巿廣場部份樓層的玻璃圍欄外，再加裝一層鐵欄，鐵欄頂部再有一重呈45度角的斜欄，懷疑是防止他人伸手從外面扑爛玻璃。有部份未加裝鐵欄的樓層，用木板代替玻璃，並以寫着工程進行中的膠條及雪糕筒圍封，有保安員看守。

巿民周先生表示，玻璃圍欄較為美觀，「如果有時啲人想挨一挨，唔小心俾鐵欄勾到或者鎅傷都唔係咁好。同埋而家流感高峰期，玻璃清潔上嚟比較容易，而家又要多一重工序。」黃小姐亦認為商場此舉形同「趕客」。

商場服務處表示，因應公眾安全的考慮，服務處不時檢視整體商場運作，並作出適切的調整，務求保障場內商戶、顧客及公眾的安全。服務處已完成一系列的改善工程，並會盡快完成其他復修工程。

記者 姜偉康
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568