邵仲衡（右）與王賢誌今日出席代言保健產品活動，見到邵仲衡又好似脹咗唔少，佢話啱啱去西藏工作，返香港後胃口大增，邵仲衡表示有時一個下午，已經可以食三餐，但佢話都真係要Keepfit，因為要演舞台劇。

邵仲衡表示完成舞台劇後，仲會演出兩部新戲，自從返幕前後，佢工作不斷，邵仲衡坦言少咗時間陪太太，所以今個聖誕節，會送驚喜禮物畀太太。