「我每日都要搭火車，但日日都俾啲風吹到個頭好唔舒服，雖然投訴咗，但職員話個設計係咁，冇得改。」
居於大圍的盧太稱，她每日均會乘坐東鐵出九龍工作，但進入車廂站於車門後扶手旁時，總被車廂頂部的出風口噴出的冷風，吹至頭暈頭痛。

「俾風吹到頭都痛」
她無奈地表示，「返工放工時候係最多人搭火車，入到車廂已經好好彩，有時冇得揀位企時，被迫企近車門嘅扶手位，啱啱喺正風口位下面，俾風吹到頭都痛埋！」
她與丈夫曾致電東鐵乘客熱線反映，但職員答稱，雖曾收過不少乘客來電反映風口位冷風過強，無奈設計已定，難作改善。
「雖然唔係架架列車都係咁，但都有大半係咁。我試過因為咁吹到病咗，啲風咁勁，身子弱啲嗰排真係會俾風吹到病！」
記者曾於下午時分乘搭東鐵，試坐五部列車中，有三部列車出風口冷風較強烈，記者站於車門後扶手位置，被風口噴出的冷風吹至「起雞皮」，其後更有點頭痛，頭髮亦被冷風吹起。記者於月台候車期間，亦有乘客向記者反映，有相同感受。其中乘客林小姐稱，「好彩我係短途客咋，唔使吹好耐，但嗰啲長程搭客就慘了！」
九廣鐵路高級公共事務經理梁碧芙回覆本報查詢時表示，東鐵車廂的冷氣系統設有轉動式風葉，冷氣可由出風位置不同角度吹出。東鐵收到不少乘客意見後，於去年中在維修列車冷氣系統時，加設隔風網，以分散由出風口吹出的冷風。由於東鐵新車車廂較為寬敞，冷風可較平均分流。