當年今日
關於我們

轟21分扣殺黑哨 朱婷領軍闖4強

蘋果日報 2017/03/31 15:16

排球朱婷華基夫銀行土超女排季後賽

周四舉行嘅土超女排季後賽首圈,頭號種籽華基夫銀行喺主場以25:21、25:15、22:25同25:14,局數3:1擊敗貝西克塔斯,總場數以2:0率先晉級4強;中國主攻手朱婷今場貢獻出21分,再度榮膺得分王。
不過,今場比數都有出現啲爭議性場面㗎,當華基夫銀行喺第3盤俾對手追至14:12時,朱婷一下重扣俾貝西克塔斯嘅球員救起,但對方當時疑似持球,球證就冇吹罰。至於華基夫銀行嘅二傳妮絲(Naz Aydemir)今場就不斷被判連擊,難怪教練古迪堤都忍唔住話:「喺咁嘅執法標準下,我哋好難贏波,但我好開心我班球員都做到。」