【韓流】GD衛衣變面罩 攰樣飛伯明翰
BIGBANGG-DRAGON
韓國天團BIGBANG嘅隊長G-DRAGON(GD)今年6月展開世巡,日前完成東京站演出,噚日飛回韓國休息後,今日又馬不停蹄出發到英國伯明翰,準備當地時間23號嘅演出。
由於行程太密,所以今日GD現身機場時顯得一臉倦容,佢現身時顯得又攰又凍,着上有帽衛衣嘅GD戴上冷帽外再笠衛衣頂帽,個樣攰到好似企喺度都瞓得着。
不過之後佢入到室外又除咗衛衣,但仍然笠住衛衣頂帽,將衛衣嘅袖包住臉,似足中東女性嘅裝扮一樣。而着住背心嘅GD顯得骨杉杉,粉絲都擔心佢太辛苦搞到身體越來越差。
正忙於世界巡迴演唱會嘅GD,今日攰樣飛英國伯明翰(網上圖片)
GD入到室內除咗衛衣,但身穿背心嘅佢顯得骨杉杉,令粉絲相當擔心其健康(網上圖片)