【新增內容及圖片】
由韓劇《秘密花園》男星玄彬孖韓劇《Doctors》女星朴信惠主演嘅tvN新劇《阿爾罕布拉宮的回憶》，今個月1號首播後，收視同口碑都相當唔錯，港劇迷亦可於Netflix追看。

而電視台於噚日播出《阿爾罕》頭6集嘅濃縮版，等觀眾可以重溫頭6集嘅故事，令劇迷可以更加了解劇中現實同遊戲兩個世界，等大家今晚可以慢慢欣賞《阿爾罕》第7集。

而劇組今日就公開第7集嘅劇照，當中承接上集講到玄彬離開西班牙，朴信惠趕到車站卻見唔到玄彬，即時傷心痛哭，而第7集中將會見到玄彬同朴信惠喺首爾重逢，兩人喺雨中對望，未知到底兩人係處身於AR虛擬世界中定現實中。

另外，根據韓媒報道，雖然大陸去年實施「限韓令」，但無損《阿爾罕》喺當地受到粉絲追捧，據了解大陸網民都大讚演員嘅演技好出色，拍攝嘅畫面亦都好美麗，加上題材新穎，因而得到高度評價。

更多韓流，喺晒《娛果》
http://fb.com/appledailyent