區議會選舉投票率破紀錄高開，各陣營助選團隊落力拉票之際，有荃灣街坊就孤身清潔、重整區內連儂牆。由於臨近區選前，區內藍絲陣營撕毀連儂牆的行動更加頻密，且變本加厲在牆上淋油，以圖阻止再有人張貼文宣，於是需要先用洗潔精清洗。

自21號荃灣連儂牆出現，幾乎每晚連儂牆都會被藍絲撕走，更淋上疑是食油加WD40潤滑劑液體，圖令街坊不能再在牆上張貼新文宣，「我今日7點幾就到呢度啦，晏晝班細路應該會到，嚟貼新文宣、整連儂牆，所以我早啲到，用洗潔精清咗啲油先。」荃灣街坊Ricky說。

Ricky一直從早上7時多忙到11時，但只清理了不到一半範圍，而淋了疑似食油後，牆面極難清理，曾集合200學生和街坊，清潔了一整天都未能完成清潔。後來，有人嘗試以用洗衣粉加水及洗潔精，清潔速度才加快。

荃灣連儂牆的拉鋸戰其實一直存在着，Ricky說，一直以來藍絲和疑似黑社會人士都在凌晨把荃灣連儂牆的文宣撕走，有時撕走文宣時更會帶備鐵枝，更會有警察站在附近「看守」，令人不敢靠近阻止，「早幾日臨近區選，撕連儂牆嘅人應該變咗係建制候選人請嘅，因為佢哋拉票影相會用嚟做背景，呢班人算比較有手尾，撕完文宣會執走啲垃圾。」

記者：黃頌恩

-----------------------------
2019區選專頁
光復香港 11.24踢走共產黨
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568