周六（10日）第九場三班泥地1200米，大摩馬房的「軍力勁」今季雖然連續由韋達贏兩場四班泥地1200米，但是今次就改由蔡明紹執疆。儘管今次韋達冇份騎，不過仍然非常關注該駒。

今晨（8日），韋達見到大摩在飛機坪，立即走上前與大摩一同睇「軍力勁」打圈，騎練一路睇一路交換意見，雞啄唔斷，直至馬匹由外籍騎馬人策騎往草地千八米操練，兩個人才各自離開。

「軍力勁」今次升上三班出賽對手強咗，不過負磅輕飄飄，換蔡明紹出擊，仍然有能力爭取三連捷。