憑《我不是潘金蓮》成為出爐金雞影后嘅李冰冰（新聞連結： http://bit.ly/2x59cM8 ），名副其實咁三喜臨門：影后 + 36歲生日 + 準李晨太太。

繼日前李晨求婚現場公開相片後，今日喺微博流傳一段李晨求婚派對嘅短片，片中見到李晨、范冰冰，與及范冰冰嘅父母一齊企喺現場大屏幕前，范媽媽同李晨全程拖住手，係真係拖實嗰種。

當時應該係現場人士起哄要李晨講啲公開承諾，李晨話自己心跳跳到180，好緊張，然後再話：「我算是有福氣，能夠認識冰冰這一家人。」講到求婚一刻，佢話：「剛才的一切是我最美好的一刻，我希望未來的人生路，我們一起牽手並肩，一起走下去。」全場歡起哄。

之後換范媽媽揸咪講嘢，佢先係感謝有份到場嘅雙方朋友，仲話：「非常的高興，我又多了一個兒子，所以我們兩家都是特別特別的開心。」對一對新人，佢話：「希望你們能夠團結，能夠相互幫助，在生活中相體貼，希望大家心連心手挽手。」

范媽媽更「落order」：「李晨，希望你將來好好照顧冰冰；冰冰，你必須好好去體貼李晨。」有指范媽媽更搬埋老公上枱，即場晒恩愛，俾個女同準女婿一個示範。