在傘運期間發起醫科生政改關注組的黃遠倬，今日已是醫學系五年級生。他說傘後政治環境每況愈下，大家容易感到麻木，但仍然有份自我期許，「我唔希望自己將來會變成一個而家自己鄙視嘅人。」傘後一年，他參與成立關注時事組織「醫燃」，推動醫科生了解生死教育、人道救援和無家者等社會議題。

今年21歲黃遠倬說，傘運前港人患「政治冷感」，但傘運後似乎變得脫敏（desensitize），對接二連三壞消息感到麻木，患上「旁觀病」，「好似做咩都幫唔到手，但係有另一把聲音提自己，就算你覺得冇乜可能都要繼續做，做係為咗唔好對唔住自己。」「醫燃」透過講座和探訪活動推動醫科生接觸時事，「如果我哋乜都唔做，就真係冇希望。希望固然係細，但唔代表我哋要束手就擒。」

指隨著畢業越來越近，遠倬身邊的人都考慮前途，例如去年醫委會改革，有同學私下表示支持，但因與業界醫生有聯繫，不能公開表達意見，「我哋未開始踏出社會已經有咁多制肘，嗰一刻我有少少心酸感覺。」他希望10年後的自己仍能言行合一，在所屬崗位推動社會改革，「就算你角色唔同咗，參與程度唔同咗，但都唔好變到自己唔同晒。」

24歲陳國誠也曾參加醫科生政改關注組，過去三年社會充斥無力感，抗爭代價越來越大，學生入獄、民選議員資格被褫奪。他傘運後一邊繼續學業，一邊兼職新聞攝影記者，對抗無力感，「自己唔係勇敢走上前線，但又好想知道前線發生乜事，好想係現場見證。」

今年陳國誠在中大護理系畢業後成為全職護士，工作忙碌，不似學生年代可隨時走到前線拍攝，下班後想好好休息，但心中愧疚做得不夠多，「好似唔係好係自己」。他質疑過變革會否來臨，但想起以前讀東歐歷史，市民在共產黨統治下堅持活得真實、拒絕謊言，直至變革到來，「你唔行第一步，你永遠唔知道結果，你仍然要相信呢種想像。」

記者 潘柏林