第13屆華語電影傳媒大獎今晚喺福建泉州海峽體育中心體育館舉行，傍晚眾星陸續踏上紅地毯，出席藝人包括文詠珊（JaniceMan）、楊穎（Angelababy）、吳克羣、李治廷、陳柏霖、天心、何超儀及梁家輝等，講到最性感，就係壓軸出場嘅活動推廣大使章子怡，一身火紅低胸長裙輕露幾吋事業線，艷壓全場。

而身材瘦削嘅JaniceMan身穿露肩裝同天心所穿的款式相若，不過效果當然大不同，不過JM烏低身都有少少線睇下。

Angelababy就著上紅色低胸長裙同華誼兄弟老闆王中磊齊齊行紅地毯，可能佢太瘦，條裙過鬆，行上紅地毯之後佢不時喺心口位置扯裙。