無綫劇《飛虎II》演員包括之前拍爆炸場口受傷嘅馬德鐘、羅仲謙同梁烈唯等，噚晚以飛虎造型到電視城錄影《超級無敵獎門人終極篇》，因為呢集會喺萬聖節播出，佘詩曼為首嘅女子組就以BB造型亮相大戰飛虎，主持嘅曾志偉、錢嘉樂等人亦以電影人物look出現。

馬德鐘日前拍《飛》劇受傷，佢依然要戴住手托，佢話：「粗重嘢由啲兄弟去搞，我嚟緊都想休息下。」《飛》演員以叠羅漢出現，着貼身tee嘅梁烈唯及袁偉豪等「飛釘」，志偉出手搣袁偉豪嗰兩點公然性騷擾。一眾人玩「紅綠燈」，男藝員企定時扮屙尿動作同擺出性感甫士，唯唯拉起衫時志偉又出手摸佢兩點，呢集真係三級！