當年今日
關於我們

隔牆有耳:
新聞處fb晒命惹劣評 - 李八方

蘋果日報 2015/04/25 00:00


政府公佈假普選方案引來各界鬧爆後,政府新聞處喺facebook嘅政府新聞網專頁,前日突然改行「輕鬆」路線,上載一幅三女合照(圖),話新聞網有位靚女同事辭職,準備同老公去環遊世界,其實冇乜咁大件事,但就即時引來網民劣評,話新聞處唔應該係fb專頁「講呢啲」。
有網民留言質疑,政府新聞網發放呢啲消息,究竟有乜公眾利益可言?有網民就話新聞網人員唔知民間疾苦,至會用官網晒命,公告天下自己有錢環遊世界。
學民思潮召集人黃之鋒睇到幅相,亦不忘插口喺fb講兩句,指睇極都睇唔到有邊個係靚女喎。
見到群情咁洶湧,政府新聞網嘅「小編」都留言回應,話都係想輕鬆啲,同網民分享吓新聞網嘅編採動態,拉近啲距離,唔想成日咁嚴肅,仲話大家嘅意見已收到晒。