【又有喜訊】日本影后安藤櫻誕B做媽咪
柄本佑安藤櫻誕B
日本藝能界今日好多喜訊,繼窪塚洋介宣佈第二任太太PINKY已為佢誕下B女,日本影后安藤櫻亦已誕B。
電影《100円之戀》女星安藤櫻於2012年嫁同屬星二代嘅30歲男星柄本佑,安藤櫻3月挺肚出席Academy電影大獎頒獎禮時宣佈喜訊,當時佢已陀B七個月,上個月佢仍然忙於宣傳新片《追憶》。
柄本佑今日出席活動時,向傳媒公佈喜訊,但就唔肯講BB出生日期同性別,柄本佑話母子平安,被問到似爸爸定似媽咪時,佢話似邊個都冇所謂,仲話BB好可愛。
安藤櫻已為丈夫柄本佑誕B,但未知BB幾時出世同性別。
柄本佑今日現身活動時透露BB已出世,分享榮升人父嘅喜悅。