胡鴻鈞新碟銷售成績理想，今日喺銅鑼灣hmv搞祝捷，胡鴻鈞歌曲《朋友身份》入圍叱咤我最喜愛的歌曲最後五強，與李克勤《失魂記》、方皓玟《假使世界原來不像你預期》、陳柏宇《霸氣情歌》、Tonick《長相廝守》爭獎。

胡鴻鈞一知道消息好開心，平復完又再激動，佢表示多謝大家支持，對佢而言係超額完成，對手都好強勁。講到有咩慶祝？佢話：「出年會繼續努力做音樂，今年大家畀我好多愛、期望、信任。」提到其所屬公司星夢娛樂因為不滿新城音樂頒獎禮，所以決定拉隊缺席，變成冇獎攞，胡鴻鈞話：「會跟番公司決定，制度上轉變，公司同電台傾緊，我會配合公司，之後會支持番，我唔係做一年音樂，會長做嘅，今年最大收穫係咁多人支持，比起獎項更重要。」

更多娛聞，喺晒《娛果》
http://fb.com/appledailyent