蘇志威同盛智文擔任創意創業大賞大使，今日喺鑽石山出席揭幕禮，蘇老闆有唔同嘅生意，佢同年輕人分享心得，佢話唔一定要為世界創作新野：「好似我創辦嘅跳舞學校，攞到創業大獎，喺舊模式轉變得有系統化再設合時代。」佢有感o依家好多人關注做運動，佢打算開創健康用品。

而蘇老闆嘅19歲女兒蘇君蕎都有自己嘅創意，對製作甜品好有興趣，將會喺年尾去日本讀書，先修讀日語，之後再修讀甜品科，佢話唔會擔心女兒，自己唔會刻意喺當地陪伴：「有乜嘢唔放心，你哋覺得我應該綁到佢幾多歲？佢有佢打算。」太太劉小慧都唔會留喺嗰邊陪女兒，問到太太係咪要陪自己，蘇老闆話：「梗係啦！」

精選娛聞，喺晒《娛果》
http://fb.com/appledailyent