亞視facebook專頁噚晚貼上一條大規模招聘廣告短片，有廣東話及國語兩個版本：「全新亞視！全球招募主持人、編導！讓我地一切重新開始！」亞視執董葉家寶亦在blog透露未來會以「三亞」發展，包括亞視電視、亞視衛星電視和亞視OTT平台，但網民卻質疑﹕「請人有冇糧出？」、「係唔係請義工？」

於王征時代被炒魷嘅戚黛黛接受《蘋果》電話訪問時表示：「咁得意呀？真係招聘廣告嚟㗎？之前一路未confirm有新投資者，如果係真好開心。」

黛黛直言唔介意回巢返亞視。問到可擔心冇糧出？佢話：「擔心0架，所以要清楚條款、細則先，其實我之前喺亞視做好開心，惟獨管理層麻麻地啫，我唔會自薦，但佢哋搵我都唔介意傾，0依家自由身。」

劉錫賢及朱慧珊分別於今年8月及9月約滿，但至今仍未獲洽談新約，朱慧珊表示唔擔心，並說：「咪當放暑假囉！有招聘係好事，之前走咗好多人，如果可以梗係想開播12點半新聞，製作部亦停頓咗一段時間，希望可以同步做到。」

劉錫賢則表示：「渴望老闆大展拳腳，唔想大搞就唔會全球招募啦。雖然牌照至明年4月，但之前家寶都話會改另一形式做落去，總之要畀下面員工有飯開至得。」