近一年香港的電競鬧得熱烘烘，大大小小的公司都追著這一股熱潮。但在數年前，香港年輕人要追這個「打機夢」卻要離鄉別井，隻身走到大陸、台灣。

凌啟榮（Kai wing），今年只得20歲，是香港LOL戰隊HKA的成員，司職輔助（Support），「中三個時我啲朋友打完波，邀請我去網吧打呢隻GAME」，一打就打了三年半。

出身公屋家庭的凌啟榮，為家中獨子，父親已屆花甲，母親亦年近半百。對於「有書唔讀去打機」，不少父母都不認同，凌啟榮父母亦不例外，「覺得我係到天方夜譚，係到呃佢地，因為係佢地年代打機係完全搵唔到食」 ，即使上網拿出例子，父母依然不相信。

「最後都係冇辦法，夾硬同佢地講我要咁樣做，希望佢地認同我做法」，18歲那年考完DSE經朋友介紹北上打機，誰知第一次出門就遇人不熟，被「走數」。

「初頭去到一兩個星期就比左2000蚊，叫做比住啲工資先，到最後打比賽個陣，唔好彩輸左，冇辦法晉級，個老闆本身應承找埋4000蚊，但最後都唔見左人，聯絡唔到佢。」家中老父本身就不同意他「打機搵食」，故啟榮當時對「走數」一事絕口不提。

之後轉到台灣發展，加入台灣戰隊MSE（Midnight Sun Esports），月入三萬台幣。第一次出國，年紀輕輕的啟榮對於台灣感到好奇又陌生，簡單至一個便當會分開幾格對他來說亦是新鮮事。但好景不常，一年左右MSE宣佈「執笠」，啟榮最終加盟香港的HKA。

職業打機的生活比起朝九晚六的辦公室工作或者更辛苦，一星期打足六日，每日至少打上「一個對」，「依架十二點幾起身食飯，兩點團練，大概打到四、五點，檢討完就打返個人排位Solo Que，六點幾食飯，七點第二場團練，檢討完十點打再Solo Que，打到夜晚一、兩點，勤力啲打到三、四點。」

「想贏就要付出啲努力，逼自己就算攰都好，都要捱落去，可能打到我再打唔到為止。」

夜闌人靜，身在異鄉不時會想到香港的父母，「我以前係比較少同佢地出街，好似我呀爸想同我去鴨寮街睇下野，但我都因為打機推左佢，有啲後悔個段時間冇同呀爸周圍去。」老父最近驗出患上柏金遜症，啟榮擔心其病情會惡化，故一有時間就回港與家人相處。現時月入兩萬港元的啟榮笑言自己「冇野買」，大部份都會作為家用，希望改善家人的生活。

說到尾，啟榮最終亦希望可以回到香港發展自己的電競事業，「如果到時香港電競發展得完善，會考慮係香港做教練，因為香港始終係我屋企，香港方便我返屋企。」

記者：梁偉聰
攝影：許頌明

蘋果財經，關心你飯碗
http://fb.com/appledailyatm