早前為幫正生書院籌款嘅電影《錯過》獻唱同名主題曲嘅譚嘉荃，今日去到新城宣傳呢首歌，希望能夠令更多人關注同入場欣賞捐款支持。

跟小雪份於好友嘅佢，事前完全唔知小雪早前情人節時再婚，今朝喺facebook睇到對方宣布婚訊，都替對方非常開心。之前小雪兩次婚禮佢都獲邀出席，而小雪為一對仔女決定移居澳洲之前，佢亦得知小雪已跟第二任丈夫已分開，佢話：「今朝起身喺facebook見到佢結婚消息，都係好替佢開心，其實佢去澳洲嗰次前我都有同佢合唱過首歌，嗰時都有聚下，嗰時佢都幾唔開心，只係佢去咗澳洲之後，先同大家講宣佈已經離婚，佢之前就同我講咗嘅，嗰時佢同我講佢唔再相信婚姻嘅，本來佢諗住喺澳洲完咗成件事，攞到國籍就返嚟香港，覺得嗰邊冇咁開心，0依家喺嗰邊就搵到佢嘅真愛。」

由於近年跟小雪都係以facebook作聯絡方式，小雪亦冇返港，只係澳洲及韓國兩地飛，所以都未有機會認識小雪韓籍丈夫，佢期望有機會親自跟小雪講恭賀說話。