【本報訊】旺角滿街都是藥房、金舖及連鎖電器店，具特色的中小型商場只餘下潮流特區、兆萬中心及旺角中心等。有在家樂坊經營時裝店的租戶去年因瓊華逼遷，才轉到家樂坊開業，惟一年多後又再度面臨逼遷；除了租金昂貴，有商戶指近年不少港人改變消費模式，喜歡在網上購物「尋寶」，也令小商戶經營日趨困難。

「要去荃灣、沙田先生存到」

家樂坊租戶張小姐每月都會去韓國入貨，但她指近年不少小商戶在社交網站開設專頁，將即時搜購到韓國、日本衣服的相片，放上網站內供客人選購，「佢哋多數有班熟客，飛咗去韓國入貨，唔使有間舖就可以做生意，啲客會留言或者過數交易，等店主返香港就交貨」。張小姐指出，近年租金拾級而上，加上港人消費模式改變，網購流行，令小租戶經營越來越困難。
中文大學市場系教授冼日明表示，現時小商戶在旺區已經沒有立足之地，「畀得起貴租咪租到，畀唔起就生存唔到，細舖可能要去較偏遠地區，好似荃灣、沙田先可以生存到」。他又稱，港人現時隨時隨地可用智能手機上網購物，小商戶未來或要利用網購殺出血路，「喺網上賣產品，好處係24小時營業，又唔使畀租，可能係未來嘅趨勢」。