「雲絲仙子」，六歲生日快樂！

六年前嘅今日（14日），澳洲一個牧場有匹將會震撼全個馬壇嘅馬女，喺佢媽媽Vegas Showgirl肚內橫空降臨，而呢匹當時仲係毛茸茸嘅BB馬女，就係六年後橫掃澳洲多場大賽，造出19連勝嘅全球最強馬后「雲絲仙子」。

馬后誕生日喎，世界各地嘅傳媒當然好好向佢送上祝賀，澳洲蘭域馬會就用人群，砌出「雲絲仙子」洋名Winx，亦有傳媒刊出當年「雲絲仙子」嘅可愛BB相片，仲有傳媒幫呢匹馬后畫Q版公仔，模擬切蛋糕。

不過，相信「雲絲仙子」幕後同佢自己唔會太過忘情地慶祝，皆因此駒周六（16日）將於澳洲蘭域馬場出戰佐治文斯錦標（1600米一級賽），任重道遠，而如果「雲絲仙子」最終能夠完成20連捷，今年生日將會意義更大。

圖片來源：互聯網