做韓國男團女團嘅工作行程一向好緊密，成日要撲來撲去，所以經常以保母車代步。不過有時佢哋趕時間，就自然開得好快，咁就好易出意外。

呢期女團就頻頻發生車禍，好似DIA同GFriend近日都先後發生車禍，雖然就冇乜大礙，但都令到粉絲擔心不已。

而將於下月來港開騷嘅MAMAMOO噚日亦喺去緊天安參加行程時發生輕微交通意外，幸而成員冇受傷，而MAMAMOO亦照原定行程到達現場表演，並喺台上向粉絲表示因為遲咗現身而道歉。而MAMAMOO所屬嘅事務所事後表示成員完全表演後，將會到醫院接受檢查。

經過醫院診斷後，今日MAMAMOO方面就指成員雖然有輕微擦傷，但對於之後嘅活動同行程就唔受影響。

另外，韓國男團VIXX嘅成員Leo噚日亦因為腹痛入院接受治療，0依家正在休息，由於要再接受檢查，所以Leo今日就唔可以出演Mnet音樂節目《M！COUNT DOWN》。