麥浚龍（Juno）與謝安琪（Kay）今日到商台宣傳新歌《寂寞就如》和《其實寂寞》，Juno自爆會一個人打邊爐：「我鍾意一個人打邊爐，鍾意一個人去買材料，好耐之前同林夕講過呢件事，一直等到今次先有機會用呢個題材。」記者笑言叫Juno到Kay屋企打邊爐，可以感受熱鬧氣氛，Kay說：「佢有嚟過我屋企打邊爐㗎。我自己就好少一個人打邊爐，因為我真係食好少嘢，一個麵自己都食唔晒，不過我會一個人去旅行。」

她透露數年前曾一個人去台灣及美國：「我好需要獨處空間，好幸運，因為另一半都好體諒。我自己性格係咁，我覺得女仔需要獨處，都可以好自在。」她坦言平日工作很忙，所以更需要寂寞：「一個人咁多身份，有時會想如果成個世界都唔關我事就好，係另一種自由。雖然日常生活我都唔太在意其他人眼光，但係嗰種狀態始終好唔同。」

Juno又分享獨自到西雅圖影展的小插曲：「當時我帶住《殭屍》去影展，剃光咗個頭，去餐廳食飯叫咗份牛扒，個招待員諗咗陣問我『僧侶係咪唔應該食肉呢？』，一個人被人誤會其實幾寂寞。」

=============
《蘋果動新聞》訂閱新世代
4月開始免費訂閱，現在接受登記！
http://bit.ly/2TCfHRS
=============
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/XnWR0MLFmV